Parlament palatalarynyń bírlesken otyrysynda «Alatau qalasynyń arnauly mártebesí turaly» konstıtutsıyalyq zań jobasy bírínshí oqylymda qoldau tapty. Qūjat Alataudyń jedel damuyna jaǵdaı jasap, ony arnaıy qūqyqtyq rejımí bar jańa ortalyq retínde damytuǵa baǵyttalǵan, dep habarlaıdy Aqshamnews.kz tílshísí.
Parlament palatalarynyń bírlesken otyrysynda «Alatau qalasynyń arnauly mártebesí turaly» konstıtutsıyalyq zań jobasy bírínshí oqylymda maqūldandy.
Būl zań jobasy Memleket basshysynyń 2025 jylǵy Joldauynda aıtylǵan bastamalar men Alatau qalasyn damytu turaly Jarlyǵyna sáıkes ázírlengen. Úkímet qūjatty qalanyń qarqyndy árí tūraqty damuyn qamtamasyz etu maqsatynda daıyndaǵan.
Zań jobasy Prezıdent aıqyndaǵan negízgí tásílder men qaǵıdattarǵa súıenedí. Qūjattyń basty míndetí – Alatau qalasynyń damuyna qūqyqtyq jáne ınstıtutsıonaldyq negíz qalyptastyru.
Juyrda qabyldanǵan Konstıtutsıyada jekelegen óńírlerdíń ekonomıkalyq áleuetín jedel arttyru úshín «qarqyndy damıtyn qala» atty arnauly qūqyqtyq rejımdí konstıtutsıyalyq zań arqyly engízu múmkíndígí qarastyrylǵan.
Osyǵan sáıkes Alatau qalasy derbes ekojúıe retínde damytylady. Ol jeke qarjylyq modelge, arnaıy basqaru tetíkteríne jáne jańa ınstıtutsıonaldyq negízge súıenedí.
Zań jobasyn ekínshí oqylymǵa daıyndau úshín arnaıy komıssıya qūryldy.