Alatau-sıtı qalasyna erekshe mártebe berílíp, tíkeleı Úkímetke baǵynatyn bolady, dep habarlaıdy Aqshamnews.kz.
Būl turaly búgín Memleket basshysy Qasym-Jomart Toqaev Parlament palatalarynyń bírlesken otyrysynda Qazaqstan halqyna jarıyalaǵan joldauynda aıtty.
Memleket basshysy Alatau-sıtı qalasy tólem krıptovalyutamen júrgízíletín alǵashqy tsıfrlyq qalaǵa aınaldyrudy tapsyrdy.
Memleket basshysy Qasym-Jomart Toqaev Qytaıǵa jasaǵan sapary kezínde álemdík deńgeıdegí kompanıyalarmen kópmıllıardtyq kelísímder jasalǵanyn aıtty. Solardyń bírí jahandyq Shenzhen tehnopolısín saluǵa qatysqan jáne endí Alatau City jobasyn íske asyruǵa tíkeleı atsalyspaq.
Prezıdenttíń tapsyrmasymen 10 kúnníń íshínde qalaǵa úkímetke tíkeleı baǵynatyn arnaıy mártebe beru jóníndegí Jarlyq jobasy daıyndaluy tıís. Al alty aıdyń íshínde qala basqaru tártíbí men qarjylyq úlgílerín aıqyndaıtyn jeke zań qabyldanbaq.
«Arnaıy qūqyqtyq mártebe – artyqshylyq emes, ol qajet shara. Alatau City óńírdegí alǵashqy tolyqqandy tsıfrlyq qalaǵa aınalyp, Smart City tehnologıyalaryn jáne krıptovalyutamen tólem júıesín qoldanatyn bolady. Jańa qala – Qazaqstannyń bolashaq beınesín kórsetetín nysanǵa aınaluy tıís», – dedí Prezıdent.
Premer-mınıstr Bektenovke Prezıdent ınvestıtsıya salasynda ūsynystar ázírleu úshín 10 kún uaqyt berdí.