Almaty Aqparat medıaholdıngíne qarasty «Vechernıı Almaty» gazetíníń shyǵarmashylyq ūjymyna Prezıdenttíń BAQ salasyndaǵy Alǵysy beríldí, – dep habarlaıdy aqshamnews.kz tílshísí.
Kásíbı mereke qarsańynda Qazaqstan Respublıkasy Prezıdentí marapattanǵandar qatarynda bıyl 90 jyldyq beleske jetken qart basylym «Vechernıı Almaty» gazetí de bar.
Gazet ūjymyna "Elímízdíń jáne óńírdíń áleumettík-ekonomıkalyq damuyn keshendí túrde jarıyalauǵa qosqan úlesí úshín" jarıyalanǵan Alǵys búgín Aqordada tapsyryldy. Basylym qyzmetíne berílgen joǵary baǵa gazet ūjymy kásíbılígíníń moıyndaluy boldy.
Basylym qyzmetíníń joǵary baǵalanuy – Almaty men Qazaqstannyń damuyndaǵy ózektí máselelerdí ūzaq jyldar boıy obektıvtí árí jan-jaqty jarıyalap kele jatqan jurnalısterdíń, redaktorlardyń jáne gazettíń barlyq qyzmetkerleríníń kásíbı eńbegíne berílgen qūrmet. Basylym áleumettík bastamalarǵa, ekonomıkalyq reformalarǵa jáne halyqtyń ómír súru sapasyn arttyru máseleleríne erekshe nazar audaryp keledí.