Almatyda tūrǵyndarǵa zańsyz qoqys úıíndílerí turaly habarlap, olardyń joıylu barysyn baqylauǵa múmkíndík beretín TazaQala tsıfrlyq platformasy tanystyryldy, – dep habarlaıdy aqshamnews.kz tílshísí.
Ál-Farabı atyndaǵy Qazaq ūlttyq unıversıtetíníń Aqparattyq tehnologıyalar jáne jasandy ıntellekt fakultetínde jobanyń tūsauy kesíldí.
Platforma Almatynyń Mamandandyrylǵan tabıǵat qorǵau prokuraturasynyń bastamasymen ál-Farabı atyndaǵy QazŪU jáne «Eco Almaty» JShS-níń qoldauymen ázírlengen. Joba respublıkalyq «Taza Qazaqstan» ekologıyalyq aktsıyasy ayasynda júzege asyrylǵan.
Jasandy ıntellekt elementterín paıdalanatyn TazaQala qala tūrǵyndaryna ekologıyalyq máselelerdí sheshuge tíkeleı qatysuǵa múmkíndík beredí. Platforma arqyly tūrǵyndar zańsyz qoqys tógílgen oryndar turaly habarlap, ótíníshteríníń mártebesí men aumaqtardy tazartu jūmystarynyń barysyn qadaǵalaı alady.
Almatynyń mamandandyrylǵan tabıǵat qorǵau prokurory Arman Núgírbekovtíń aıtuynsha, jańa júıe tūrǵyndar men memlekettík organdar arasyndaǵy tūraqty baılanysty qamtamasyz etedí.
«Platforma almatylyqtarmen únemí baılanysta bolyp, kúrdelí aumaqtar turaly jedel aqparat aluǵa jáne qoqys úıíndílerín joyu jūmystaryn baqylauǵa múmkíndík beredí. Sonymen qatar tūrǵyndar atqarylǵan jūmystyń nátıjesín kóríp, ekologıyalyq máselelerdíń qalaı sheshílíp jatqanyn baqylaı alady», – dedí ol.
Prokuraturanyń málímetínshe, platforma íske qosylǵaly berí 871 zańsyz qoqys úıíndísí anyqtalǵan. Onyń 507-sí tolyqtaı joıylyp, aumaqtardan 500 tonnadan astam qaldyq shyǵarylǵan.
Būǵan qosa qaldyqtarmen jūmys ísteu kezíndegí ekologıyalyq talaptardy būzǵany úshín jergílíktí atqarushy organdardyń bírqatar basshysy ákímshílík jauapkershílíkke tartyldy.
Ís-shara barysynda studentter men būqaralyq aqparat qūraldarynyń ókílderíne platformanyń jūmys ísteu tártíbí jan-jaqty tanystyryldy. Tūsaukeserden keıín qalanyń túrlí audanynda reıdtík ís-sharalar ūıymdastyryldy.
Reıdterge prokuratura men polıtsıya qyzmetkerlerí, Ekologıya departamentíníń, Ekologıya jáne qorshaǵan orta basqarmasynyń, «Eco Almaty» JShS mamandary, ál-Farabı atyndaǵy QazŪU-dyń Aqparattyq tehnologıyalar jáne jasandy ıntellekt fakultetí men zań fakultetíníń studentterí, sondaı-aq ekobelsendíler qatysty.
Eń belsendí qatysushylar úshín ūıymdastyrushylar Almaty haıuanattar baǵyna, Bas botanıkalyq baqqa, «Shymbūlaq» aspaly jolyna jáne ūlttyq parkterge joldamalar túríndegí yntalandyru syılyqtaryn ázírledí.
Ūıymdastyrushylardyń aıtuynsha, TazaQala platformasyn engízu zańsyz qoqys úıíndílerín anyqtau jáne joyu jūmystaryn jedel árí ashyq júrgízuge, sondaı-aq qala tūrǵyndarynyń tazalyq pen ekologıyalyq qauípsízdíktí saqtauǵa belsendí qatysuyn arttyruǵa múmkíndík beredí.