Alatau audanynyń tūrǵyndary №115, №33 baǵyt avtobustary uaqytyly, keste boıynsha júrmeıtíníne shaǵymdanady. Shahardaǵy avtobustardyń júru jıílígíníń saqtalmaıtyny, qoǵamdyq kólíkterdíń sol bayaǵy beı-bereketsízdígí tūrǵyndardy ábden mezí etken kórínedí.
Kópír ústíndegí osy jolmen mashına da, adam da ótedí. Bíraq eshqandaı da «Jayau júrgínshí» belgísí qoıylmaǵan.
«Bíz shetkerí aımaqta tūrǵandyqtan ba, díttegen jerímízge jetu úshín úıden 2 saǵat būryn shyǵamyz. Byltyr bíz tūryp jatqan «Tomırıs» yqshamaudanynda jańa ayaldamalardyń orny jasaldy, bíraq álí kúnge deıín qoldanysqa berílgen-berílmegenín bílmeımíz. Ayaldamaǵa baryp avtobus toqtatsaq, bízdí kózíne de ílmeı ótíp ketedí», – deıdí jergílíktí tūrǵyndar.
Osynyń kesírínen yqshamaudan tūrǵyndarynyń bírazy bala-shaǵasymen kórshí audannyń ayaldamasyna baruǵa májbúr. Būl rette №115 jáne №33 baǵyt avtobustaryn jarty saǵat kútuge tura keletín kórínedí.
Aıta berse, audanda sheshílmegen másele kóp. Byltyr audanda bírqatar kóshege jaryq ornatylǵan bolatyn. Alaıda, būl quanysh ūzaqqa sozylmady. Jazdyń alǵashqy kúnderínen bastap, kóshedegí jarqyraǵan shamdar óshíp, tūrǵyndarǵa bírshama yńǵaısyzdyq tudyrǵan. Jaryq bolmaǵandyqtan, ata-analar balasyn oınauǵa jíbergísí kelmeıdí. «Bíreu-míreu alyp ketse, tas qarańǵyda kórmeı qalarmyz» degen úreı bar.
«Jaryq bolǵanda oınap júrgenderín kózímíz kóríp, asa qoryqpas edík», – deıdí tūrǵyndar. Sondaı-aq, «Tomırıs» yqshamaudanynyń tūrǵyndary qalaǵa qatynau úshín eskí joldy júríp ótu kezínde boılaryn qorqynysh bıleıtíndíkterín jetkízdí.
Olardyń aıtuynsha, jolda jayau júrgínshíler jolaǵy ne belgísí joq. Beınebaqylau da ornatylmaǵan. Ony bíletín kólík júrgízushílerí joǵarǵy jyldamdyqpen júríp, tūrǵyndardy qaǵyp ketuden esh taıynbaıdy. Oǵan dálel, osydan 2 jyl būryn shamasynda 60-ty alqymdaǵan qarıyany qaǵyp, múgedektík kúıge túsírgen kólík kómektespek túgílí, oqıǵa ornynan qashyp ketken. Osy tárízdí jol-kólík oqıǵalarynyń saldarynan tūrǵyndardyń boıyn úreı bılep otyr.