21-27 mausym aralyǵynda Aqmola oblysynyń Shchuchınsk qalasynda Shoqan Uálıhanov atyndaǵy Áskerı kolledjdíń «Amandyq» oqu-jattyǵu ortalyǵynda XII «Aıbyn-2026» halyqaralyq áskerı-patrıottyq jastar jıyny ótpek, – dep habarlaıdy aqshamnews.kz tílshísí QR QM baspasóz qyzmetíne sílteme jasap.
Bıyl elímízdegí áskerı-patrıottyq tárbıeníń eń auqymdy ordasy 53 komanda qūramynda 14-17 jas aralyǵyndaǵy 900-den astam qatysushyny qabyldaıdy. Olardyń qatarynda Qazaqstan ár óńírínen íríktelgen qūramalar, Qaruly kúshterdíń jáne ózge de kúshtík qūrylymdardyń áskerı-patrıottyq klubtary, áskerı kolledjder men mamandandyrylǵan lıtseıler bar. Būǵan qosa Ázerbaıjan, Belarus, Qyrǵyzstan, Reseı jáne Ózbekstan komandalary qatysatynyn rastady.
Halyqaralyq deńgeıde el namysyn Keńes Odaǵynyń Batyry, Halyq qaharmany armıya generaly Saǵadat Nūrmaǵambetov atyndaǵy Qorǵanys mınıstrlígí Áskerı kolledjíníń kadetterí qorǵaıdy. Ázerbaıjan atynan Geıdar Álıev pen Jámshıd Nahchyvanskıı atyndaǵy áskerı lıtseılerdíń kursanttary keledí. Belarus eldegí eń kóne áskerı oqu oryndarynyń bírí – Mınskídegí Suvorov áskerı uchılıshchesíníń komandasyn jíberedí. Qyrǵyz elínen Keńes Odaǵynyń Batyry general-maıor Daıyr Asanov atyndaǵy Ūlttyq áskerı lıtseıdíń tárbıelenushílerí qatysady. Reseıden 1,7 mıllıonnan astam bala men jasóspírímdí bíríktíretín «YuNARMIYa» búkílreseılík áskerı-patrıottyq qozǵalysynyń múshelerí keledí. Ózbekstan namysyn «Vatan tayanchı» áskerı-patrıottyq qozǵalysynyń tárbıelenushílerí qorǵaıdy.
«Aıbyn-2026» baǵdarlamasyna áskerı-sporttyq, zıyatkerlík jáne shyǵarmashylyq saıystar engízílgen. Qatysushylar áskerı kross pen estafeta, «Kúshímíz bírlíkte» áskerı-taktıkalyq oıyny, atu saıystary, AK-74 avtomatyn tolyq emes shashyp jınau, beltemírge tartylu, robototehnıka jarystary men «Aıbyn daryny» zıyatkerlík oıynynda synǵa túsedí.
Būdan basqa Action Air sporttyq atu boıynsha kórsetílímder, «Bírtūtas el – bírtūtas jer» kásíbı baǵdar beru kezdesuí jáne zamanauı qaru-jaraq pen áskerı tehnıkanyń kórmesí ūıymdastyrylady.
– Bıyl bíz baǵdarlamany jańa bílím beru jáne sport baǵyttarymen tolyqtyrdyq. Alǵash ret júzuden jarystar ótedí. Tsıfrlandyru jáne jasandy ıntellekt jyly ayasynda jas ónertapqyshtar tsıfrlyq tehnologıyalar men jasandy ıntellekt salasyndaǵy jetístíkterín tanystyrady. Sonymen qatar Smart Sarbaz úıírmesíníń tárbıelenushílerí FPV-drondardy basqaru boıynsha tájírıbelík daǵdylaryn kórsetedí. Robototehnıka, aqparattyq tehnologıyalar jáne kıberqauípsízdík salalaryndaǵy ınnovatsıyalyq jobalardyń tanystyrylymy da ótedí, – dedí «Jas sarbaz» balalar-jasóspírímder áskerı-patrıottyq qozǵalysy» RQB tóraǵasy maıor Meıírbek Meńdíǵalıev.
Ís-sharalarmen qatar qatysushylar úshín mazmūndy mádenı-tanymdyq baǵdarlama daıyndalǵan. Onyń ayasynda tanymal sportshylarmen, qoǵam qaıratkerlerímen jáne áskerı qyzmetshílermen kezdesuler, ashyq aspan astyndaǵy Aibyn Cinema kıno kórsetílímderí, dástúrlí «Aıbyn jalyny» alau keshí, áserlí drondar shouy, Burabaı kurortynyń kóríktí jerleríne ekskursıyalar jáne etnoauyldaǵy ūlttyq sport túrlerí boıynsha jarystar da ótkízílmek.