Almatyda ekologıyalyq mádenıettí qalyptastyruǵa, qoǵamdyq tártíptí nyǵaıtuǵa jáne azamattardyń qorshaǵan ortaǵa jauapkershílígín arttyruǵa baǵyttalǵan jalpyūlttyq «Taza Qazaqstan» baǵdarlamasy júzege asyrylyp jatyr, – dep habarlaıdy aqshamnews.kz tílshísí.
Júrgízílgen jūmystardyń nátıjelerí turaly Almaty qalasy Polıtsıya departamentíníń Qoǵamdyq qauípsízdík basqarmasynyń basshysy Tımur Noǵaıbaev Óńírlík kommunıkatsıyalar qyzmetí alańynda bayandady.
Spıkerdíń aıtuynsha, baǵdarlama memlekettík organdardyń, bıznes ókílderíníń, qoǵamdyq ūıymdardyń jáne qala tūrǵyndarynyń kúsh-jígerín bíríktíríp, taza, qauípsíz árí jaıly qala ortasyn qalyptastyruǵa baǵyttalǵan.
Polıtsıya departamentíníń málímetíne sáıkes, jyl basynan berí QR ÁQBtK-níń 505-baby boıynsha abattandyru erejelerín būzǵan 21 013 adam ákímshílík jauapkershílíkke tartylǵan. Sondaı-aq belgílenbegen oryndarda sauda jasaǵan 4 794 azamatqa aıyppūl salynǵan.
Qalalyq ortany retke keltíruge de erekshe kóńíl bólíngen. Tekseru barysynda zań talaptaryn būza otyryp ornalastyrylǵan 312 statsıonarlyq emes sauda nysany anyqtalǵan. Jergílíktí atqarushy organdarmen bírlesíp, olardyń 148 demontaj jasaldy, qalǵandary boıynsha jūmystar jalǵasuda.
Alkogol ónímderíníń zańsyz aınalymyna qarsy ís-qımyl baǵytynda da auqymdy jūmys júrgízílude. QR ÁQBtK-níń 200-baby boıynsha 726 kásípkerlík subektísí jauapkershílíkke tartylǵan, 463-bap boıynsha 269 zańsyz kásípkerlík faktísí anyqtalǵan. Zańsyz aınalymnan 20 tonnadan astam alkogol ónímí tárkíleníp, joıylǵan.
Kámeletke tolmaǵandar arasyndaǵy qūqyq būzushylyqtardyń aldyn alu maqsatynda túngí uaqytta ata-anasynyń nemese zańdy ókílderíníń qarauynsyz júrgen 6,6 myńnan astam ata-ana jauapkershílíkke tartylǵan. Sonymen qatar, 179 oıyn-sauyq ornynyń qyzmetínde zań būzushylyqtar tírkelgen.
Tımur Noǵaıbaevtyń aıtuynsha, balalardyń qauípsízdígín qamtamasyz etu jáne jaraqattanudyń aldyn alu baǵytynda tūraqty profılaktıkalyq jūmystar júrgízílude. Būl rette túsíndíru sharalary, reıdter jáne profılaktıkalyq ís-sharalar ūıymdastyrylyp otyr.
Qoǵamdyq qauípsízdíktí qamtamasyz etu baǵytynda júrgízílgen sharalar nátıjesínde zańsyz aınalymnan suyq qarudyń 2 161 bírlígí, sonyń íshínde pyshaqtar men kastetter tárkílengen.
«Taza Qazaqstan» baǵdarlamasy tek abattandyru men tazalyqty ǵana emes, sonymen qatar qauípsíz qoǵamdyq ortany qalyptastyrudy da kózdeıdí. Barlyq atqarylyp jatqan sharalar azamattardyń jauapkershílígín arttyruǵa, zań talaptaryn saqtauǵa jáne tūrǵyndar úshín qolaıly jaǵdaı jasauǵa baǵyttalǵan», – dedí Tımur Noǵaıbaev.
Sońynda polıtsıya ókílderí Almaty tūrǵyndary men qonaqtaryn zań talaptaryn saqtauǵa, qorshaǵan ortaǵa ūqypty qarauǵa jáne «Taza Qazaqstan» baǵdarlamasynyń qaǵıdattaryn qoldauǵa shaqyrdy.