2020 jyldyń qorytyndysy boıynsha «MAK» ÓSK» AQ shamamen 800 mln teńge tóledi
«Memlekettik anýıtettik kompanıa» ómirdi saqtandyrý kompanıasy» AQ (budan ári – «MAK» ÓSK» AQ) respýblıkalyq búdjetke kompanıanyń 2020 jylǵy taza tabysy somasynyń 70%-yn jalpy somasy 770 mln teńgege tóledi, dep habarlady Almaty-akshamy.kz. QR Eńbek jáne halyqty áleýmettik qorǵaý mınıstrliginiń habaryna silteme jasap.
QR Úkimetiniń 2020 jylǵy 27 naýryzdaǵy qaýlysyna sáıkes jarǵylyq kapıtalynda memlekettiń 100% qatysý úlesi bar kompanıalar 2019 jyldyń qorytyndysy boıynsha taza kiris somasynyń 100%-yna deıingi jáne 2020 jyldyń qorytyndysy boıynsha keminde 70%-yna deıingi mólsherde búdjetke dıvıdendter tóleýdi júzege asyrýǵa mindetti boldy.
«MAK» ÓSK» AQ jarıalaǵan aýdıttelgen shoǵyrlandyrylǵan eseptilikke sáıkes 2020 jyldyń qorytyndysy boıynsha kompanıanyń taza paıdasy 1,1 mlrd teńgeni qurady. «MAK» ÓSK» AQ jalǵyz aksıoneri retinde QR Eńbek jáne halyqty áleýmettik qorǵaý mınıstrligi respýblıkalyq búdjetke kompanıanyń taza tabysy somasynyń 70%-yn, ıaǵnı 770 mln. teńge tóleý týraly sheshim qabyldady.
Sondaı-aq ótken jyly «MAK» ÓSK» AQ QR Úkimetiniń talaptaryna tolyq sáıkes 2019 jylǵy taza tabys somasynyń 100%-yn respýblıkalyq búdjetke tólegen memlekettik kompanıalar qatarynda bolǵanyn atap ótý qajet.
«2015 jyldan bastap 2020 jylǵa deıin júzege asyrylǵan qyzmet úshin «MAK» ÓSK» AQ respýblıkalyq búdjetke tólegen dıvıdendterdiń somasy 3,8 mlrd. teńgeni qurady. Qazirgi ýaqytta kompanıanyń saqtandyrý rezervteri boıynsha kórsetkishterdiń menshikti aktıvter mólsherine qatynasy 83%-dy quraıdy, bul «MAK» ÓSK» AQ-ny Qazaqstannyń ómirdi saqtandyrý naryǵynda neǵurlym turaqty kompanıa etedi», – dep habarlady «MAK» ÓSK» AQ Basqarma Tóraǵasy Ǵalym Amerhodjaev.
Esterińizge sala keteıik, «MAK» ÓSK» AQ ómirdi saqtandyrý naryǵynda 2005 jyldan bastap jumys isteıdi. Kompanıa qyzmetiniń negizin zeınetaqy anýıteti baǵdarlamalary jáne qyzmetkerlerdi eńbek mindetterin oryndaý kezinde jazataıym oqıǵalardan mindetti saqtandyrý ónimderi quraıdy. Kompanıa ómirdi saqtandyrý naryǵynda 16 jyldan astam jumys isteı otyryp, óz qyzmetin memlekettik qarjylandyrýsyz, ónimderdi satýdan jáne ınvestısıalyq qyzmetten paıda ala otyryp júrgizedi.