Almaty oblysy, Qarasaı audany, Abaı auylyndaǵy №2 mektepte Halyqaralyq áıelder merekesíne oraı júrekterge jylu syılaǵan erekshe merekelík myuzıkl keshí óttí.
Kóktemníń názík lebíndeı áser qaldyrǵan būl sharaǵa mekteptíń áıelder qauymy, sondaı-aq Qarasaı audanyna qarasty mektep dırektorlary men bílím beru ūıymdarynyń názík jandylary jınaldy, – dep habarlaıdy aqshamnews.kz tílshísí.
Keshtíń eń áserlí sátteríníń bírí — ardager ūstaz, osy mekteptíń būrynǵy dırektory Nysanbaeva Batıma Qalpıevnany erekshe qūrmetpen qarsy alu boldy. Kópshílík ūstazdyń sanaly ǵūmyryn bílím salasyna arnaǵan eńbegín rızashylyqpen eske alyp, onyń ómírlík tájírıbesí men ónegelí jolyn íltıpatpen atap óttí. Ardager ūstazǵa kórsetílgen qūrmet zaldaǵy barsha jannyń júregíne jylylyq ūyalatty.
Merekelík keshke arnaıy shaqyrylǵan Qarasaı audany bílím bólímíníń basshysy men audan mektepteríníń dırektorlary da sharany zor yqylaspen tamashalap, ūjymnyń ūıymshyldyǵyna rızashylyqtaryn bíldírdí.
Kesh sońynda Qarasaı audandyq bílím bólímíníń basshysy Asel Ableevna bírqatar ūstazdardy Qūrmet gramotasymen marapattap, olardyń ūstazdyq joldaǵy qajyrly eńbegín joǵary baǵalady. Al Batıma Qalpıevna jınalǵan qauymǵa júrekjardy alǵysyn aıtyp, aq batasyn berdí.
Merekelík keshtí №2 mekteptíń oqushylary ásem ánmen, myń būralǵan bımen jáne áserlí qoıylymdarymen odan árí kóríktendírdí. Árbír óner nómírí kórermenderge erekshe kóńíl kúı syılap, zaldy shattyq pen qol shapalaqqa bóledí.
Sonymen qatar, Audandyq bílím bólímíníń sektor meńgerushísí Abısheva Baǵlan Qanatovna kásípodaq atynan merekelík qūttyqtauyn jetkízíp, bílím salasyna eńbegí síńgen ūstazdardy Alǵys hattarmen marapattady.
Kesh sońynda Abaı auylyndaǵy №2 mekteptíń dırektory Jūmabekov Samat Súıímbekūly barsha qonaqtardy kóktemníń shuaqty merekesímen qūttyqtap, ūjymǵa qoldau bíldírgen áríptesteríne shynaıy rızashylyǵyn jetkízdí. Merekelík kesh qatysushylardyń júregínde ūzaq saqtalatyn jyly áser qaldyrdy.
