«Qazgıdromet» sınoptıkterí 14, 15 jáne 16 nauryzǵa arnalǵan aua raıy boljamyn jarıyalap, eldíń basym bólígínde jyly árí qūrǵaq aua raıy kútíletínín málímdedí, dep habarlaıdy Aqshamnews.kz tílshísí.
Sınoptıkterdíń boljauynsha, aldaǵy 14-16 nauryz kúnderí Qazaqstan aumaǵynyń basym bólígínde auqymdy antıtsıklonnyń áserínen jyly árí jauyn-shashynsyz aua raıy saqtalady.
Tek eldíń soltústík jáne shyǵys óńírlerínde atmosferalyq fronttardyń ótuíne baılanysty jauyn-shashyn, yaǵnı jańbyr men qar kútíledí. Sonymen qatar būl aımaqtarda kóktaıǵaq bolyp, jel kúsheıíp, boran soǵuy múmkín.
Jalpy respublıka boıynsha tūman túsuí yqtımal.
«Qazgıdromet» málímetínshe, kúndízgí aua temperaturasy batys pen ońtústíkte +3...+15 gradusqa deıín kóteríledí. Al soltústík, shyǵys jáne ortalyq óńírlerde aua temperaturasy -2...+5 gradus aralyǵynda bolady.
Sondaı-aq sınoptıkter 2026 jylǵy nauryz aıy Qazaqstannyń basym bólígínde qalypty mejeden jylyraq ótetínín boljap otyr. Aı íshínde jauyn-shashyn mólsherí de kópjyldyq normadan joǵary boluy múmkín.
Mamandardyń aıtuynsha, nauryzda aua raıy tūraqsyz bolady: soltústíkte qar men boran basym bolsa, ońtústík pen batysta jańbyr men jylbysqy qar kútíledí. Aua temperaturasy jalpy alǵanda klımattyq normadan shamamen 1 gradusqa joǵary bolady. Sonymen bírge qysqa merzímdí salqyndau kezeńderí de boluy yqtımal.