«Almaty» ÁKK shahar tūrǵyndary men qonaqtaryn demalys kúnderí ótetín jármeńkelerge shaqyrady. Apta saıyn ūıymdastyrylatyn uaqytsha sauda alańdary 305 saudager men auyl sharuashylyǵy óndírushíleríníń basyn qosady, – dep habarlaıdy aqshamnews.kz tílshísí.
1000-nan astam túrlí óním Almaty oblysynyń Qarasaı, Íle, Talǵar, Jambyl, Eńbekshíqazaq jáne Ūıǵyr audandarynyń fermerlík jáne jeke sharuashylyqtarynan, sondaı-aq Almaty qalasy men Shyǵys Qazaqstan oblysynan jetkízíledí. Ūsynylatyn tauarlar qatarynda jańa soıylǵan et, jūmyrtqa, kókónís pen jemís, sút ónímderí, shūjyq, bal jáne ózge de azyq-túlík bar.
Jyl basynan berí jármeńkelerde shamamen 7,5 myń tonna azyq-túlík ónímí satyldy.
Baǵany tūraqtandyru sharalary ayasynda áleumettík mańyzy bar azyq-túlík tauarlary deldalsyz tíkeleı jetkízílím esebínen naryq baǵasynan 15-20% tómen baǵamen satylady.
Jármeńkeler ár senbí jáne jeksenbí kúnderí saǵat 09:00-den 18:00-ge deıín myna mekenjaılarda ótedí:
− Bostandyq audany: «Qazaqfılm» shaǵynaudany;
− Áuezov audany: Rysqūlbekov kóshesí 33/2;
− Medeu audany: Meńdíqūlov pen Bektūrov kósheleríníń qıylysy;
− Almaly audany: Masanchı kóshesí, Áıteke bı men Gogol kósheleríníń arasy.
Apta saıyn jármeńkelerge kelushíler sany 45 000 adamnan asady.
Qazírgí uaqytta «Almaty» ÁKK AQ Bostandyq audany («Qazaqfılm» shaǵynaudany) men Áuezov audanyndaǵy (Ótegen batyr kóshesí — Abaı dańǵyly) ekí demalys kúngí jármeńkení kezeń-kezeńímen jańǵyrtyp jatyr. Joba ınfraqūrylymdy jetíldíruge árí satyp alushylar men kásípkerler úshín qolaıly jaǵdaı jasauǵa baǵyttalǵan.
Jańǵyrtu ayasynda jármeńkeler qala dızaın-kodyna sáıkes bíryńǵaı sáulettík stılge keltíríledí. Jabyq jáne ashyq sauda pavılondary, múmkíndígí shekteulí jandarǵa beıímdelgen sanıtarlyq toraptar, avtotūraqtar, ayaldamalar, qoǵamdyq tamaqtanu oryndary jáne kórkeıtílgen qoǵamdyq keńístíkter salu qarastyrylǵan.
Jobalar jeke ınvestıtsıya esebínen júzege asyrylady. Sonymen qatar jármeńkelerdíń áleumettík sıpaty saqtalyp, kásípkerler men jergílíktí óndírushíler úshín qoljetímdí jaǵdaı qamtamasyz etíledí.
Nysandar paıdalanuǵa berílgennen keıín «Almaty» ÁKK jármeńkelerdí basqaryp, bekítílgen baǵanyń saqtaluyn baqylaıdy. Jańartylǵan alańdardyń ashyluy jónínde bıyl mamyr aıynda qūrylys ayaqtalǵan soń qosymsha habarlanady.