Almaty qalasynyń Óńírlík kommunıkatsıyalar qyzmetínde Halyqty áleumettík qorǵau salasyndaǵy retteu jáne baqylau komıtetíníń Almaty qalalyq departamentíníń basshysy Mūrat Mūratbekov qalada qoljetímdí ortany damytu jáne jańa talaptardy engízu turaly aıtty, – dep habarlaıdy aqshamnews.kz tílshísí.
Onyń aıtuynsha, 2026 jylǵy 1 shíldeden bastap Qazaqstan Respublıkasynyń jańa Qūrylys kodeksí kúshíne enedí. Būl qūjat nysandardyń qoljetímdílík talaptaryna sáıkestígí turaly deklaratsıyany bekítu tártíbín ózgertedí.
Endí deklaratsıyany bekítu protsesíne Halyqty áleumettík qorǵau salasyndaǵy retteu jáne baqylau komıtetíníń aumaqtyq departamentterí de qatysady. Osylaısha, nysandardyń qoljetímdílík talaptaryna sáıkestígín baqylau jergílíktí atqarushy organdardan salalyq memlekettík qūrylymdarǵa ótedí.
Spıkerdíń aıtuynsha, jańa tetík nysandardy múgedektígí bar adamdarǵa beıímdeu sapasyna baqylaudy kúsheıtedí.
«Endí tek pandustyń bar-joǵy ǵana emes, onyń sapasy, kíreberís aımaqtardyń, sanıtarlyq toraptardyń, lıftílerdíń, taktıldí belgílerdíń jáne basqa da elementterdíń qoljetímdílígí erekshe nazarda bolady», - dedí Mūrat Mūratbekov.
Jańa talaptar qūrylys salushylar men menshík ıeleríníń jauapkershílígín arttyrady. Qoljetímdílík talaptaryna sáıkes keletínín rastaıtyn deklaratsıya – nysannyń zańnama men qūrylys normalaryna saı ekenín dáleldeıtín resmı qūjat.
Departament ókílderíníń aıtuynsha, jańa talaptardyń maqsaty - tek qaǵaz júzínde ǵana oryndaudy toqtatu. Endí árbír nysan múgedektígí bar adamdarǵa qyzmetterdí eshkímníń kómegínsíz, erkín árí qauípsíz paıdalana alatyndaı jaǵdaı jasauy kerek.
Sonymen qatar, būzushylyqtardyń aldyn alu qūrylys kezeńínde-aq qarastyrylady. Qoljetímdílík talaptaryna saı kelmeıtín nysandar paıdalanuǵa berílmeıdí. Deklaratsıyaǵa qol qoıylǵannan keıín de olar memlekettík baqylauda qalady, al būzushylyq anyqtalǵan jaǵdaıda ıelerí ákímshílík jauapkershílíkke tartylady.
Brıfıngte qoljetímdí orta tek ǵımarattarmen shektelmeıtíní de aıtyldy. Ol kólík, tsıfrlyq qyzmetter, aqparat pen kommunıkatsıya, sondaı-aq ámbebap dızaın qaǵıdalaryn qamtıdy.
Almatyda būl baǵyttaǵy jūmystar «Inklyuzıvtí Almaty - 2030» baǵdarlamasy ayasynda júrgízílude. Baǵdarlama múmkíndígí shekteulí azamattarǵa arnalǵan bílím beru, densaulyq saqtau, jūmysqa ornalasu, sport, tsıfrlyq qyzmetterge qoljetímdílík jáne qalalyq ınfraqūrylymdy damytu sıyaqty negízgí salalardy qamtıdy.
Negízgí baǵyttardyń íshínde memlekettík qyzmetkerler men BAQ ókílderíníń ınklyuzıya boıynsha bílímín arttyru, áleumettík nysandarǵa arnalǵan úlgílík tehnıkalyq sheshímder ázírleu, ınklyuzıvtí jūmys oryndaryn ashu, jūmysqa ornalasu kezínde arnaıy qoldau kórsetu jáne bílím beru ūıymdarynyń barshaǵa qoljetímdí boluyn qamtamasyz etu bar.
Sondaı-aq, múmkíndígí shekteulí azamattar men qoǵamdyq ūıymdardyń monıtorıng pen baǵalauǵa qatysuyna erekshe kóńíl bólínedí.
Departament derekteríne sáıkes, búgínde Almatyda qalalyq ınfraqūrylymnyń 9 myńnan astam nysany ınteraktıvtí qoljetímdílík kartasyna engízílgen, olardyń 6 myńnan astamy qoljetímdí dep tanylǵan. Bıyldyń ózínde 1 147 nysan beıímdelgen.
Qorytyndylaı kele, Mūrat Mūratbekov qoljetímdí orta qūru – memleket, bıznes jáne qoǵamnyń ortaq míndetí ekenín atap óttí.
«Bízdíń maqsat - qaladaǵy barlyq nysandardy barshaǵa qoljetímdí etu. Ol úshín memleket, bıznes, qoǵamdyq ūıymdar jáne azamattar bírígíp jūmys ísteuí kerek. Sonda ǵana Almatyny báríne bírdeı múmkíndík beretín qalaǵa aınaldyra alamyz», – dedí ol.