Қазақстанда 2026 жылы қара металлургия саласында 7 ірі жоба іске қосылады
2026 жылы Қазақстанның қара металлургия саласында жалпы инвестициясы 154 млрд теңге болатын 7 жоба іске қосылады деп жоспарланып отыр. Жобалар іске асырылған жағдайда 1,1 мыңнан астам тұрақты жұмыс орны құрылмақ. Сонымен қатар, 2027–2028 жылдары тағы 7 ірі жоба іске қосылып, 3,5 мың жұмыс орны ашылады деп күтілуде. Барлығы 30 жоба бойынша шамамен 5 трлн теңге инвестиция тартылып, 10,2 мың жұмыс орны құрылуы жоспарланған. Жобалар Қарағанды, Қостанай, Павлодар және Жамбыл облыстарында жүзеге асырылмақ.