Қызылордадан 16 жастағы мектеп оқушысының секс-құлдыққа түсу оқиғасына қатысты жаңа мәліметтер белгілі болды, деп хабарлайды aqshamnews.kz.
Бүгін осы оқиғаға қатысты онлайн-брифинг өтті, онда құқық қорғаушылар мен қоғам қайраткерлерімен қатар, зардап шеккен қыздың анасы да сөз сөйледі. Анасының айтуынша, мектеп оқушысын қорлаған сыныптастары оны kyzdar.net сайтында тіркеген (бұл платформада интимдік қызметтерге тапсырыс беруге/сатып алуға болады). Ақпан айынан бастап оның мыңға жуық клиенті болған. Құқық қорғаушы Дина Тансаридің айтуынша, мұны банк құжаттарының көшірмесі растайды, онда белгісіз адамдардан ақша аударымдары көрсетілген. Мектеп оқушысы барлық ақшаны бірден өз сыныптастарына жіберіп отырған.
Тағы бір таңғаларлық жайт, қыздың не себепті осы айлар бойы үндемей келгенін түсіндіреді. Дина Тансаридің айтуынша, қызды алғаш рет зорлаған клиент — ҰҚК қызметкері болған.