Астана, Алматы және Шымкент қалаларында құбылмалы бұлтты ауа райы күтіледі, деп хабарлайды Aqshamnews.kz тілшісі.
«Қазгидромет» мәліметінше, Астанада жауын-шашынсыз күн райы сақталады. Түнде ауа температурасы -1+1 градус, күндіз +13+15 градус болады. Желдің жылдамдығы секундына 2-7 метр.
Ал Алматыда да құбылмалы бұлтты, жауын-шашынсыз ауа райы болжанып отыр. Түнде +6+8 градус, күндіз +21+23 градусқа дейін жылынады. Жел секундына 3-8 метрге жетеді.
Шымкентте құбылмалы бұлтты ауа райы сақталғанымен, жауын-шашын түсіп, найзағай болуы мүмкін. Түнде +12+14 градус, күндіз +23+25 градус болады. Желдің жылдамдығы секундына 8-13 метр, екпіні 15-20 метрге дейін күшеюі ықтимал.