3 сәуірде Қазақстанның солтүстік-батысы мен оңтүстігінде атмосфералық фронттардың әсерінен жаңбыр жауып, найзағай ойнайды. Кей жерлерде жауын-шашын күшейіп, бұршақ түсіп, жел екпін алуы мүмкін, деп хабарлайды Aqshamnews.kz тілшісі.
«Қазгидромет» мәліметінше, елдің басым бөлігінде ауқымды антициклонның ықпалынан жауын-шашынсыз ауа райы сақталады. Дегенмен республика бойынша тұман түсіп, желдің күшеюі күтіледі. Солтүстік аймақтарда көктайғақ болуы ықтимал.
Синоптиктер Қызылорда облысының шығысында, Түркістан облысының батысы, солтүстігі мен орталығында, Жамбыл облысының орталығында, сондай-ақ Жетісу мен Алматы облыстарының солтүстігі және оңтүстігінде өрт қаупі жоғары болатынын ескертті.
Елордалықтар үшін 3 сәуір жауын-шашынсыз өтеді: Астанада күндіз ауа температурасы +19…+21°C-қа дейін көтеріледі. Алматыда +25…+27°C, ал Шымкентте +27…+29°C жылы болады.
Батыс өңірлердің ішінде Ақтөбеде ғана жаңбыр күтіледі. Мұнда күндіз ауа температурасы +12…+14°C шамасында болады. Ал Қызылордада күндіз жаңбыр жауып, найзағай ойнауы мүмкін.
Солтүстік және шығыс өңірлерде негізінен жауын-шашынсыз ауа райы сақталады. Алайда Көкшетау, Қостанай, Павлодар, Петропавл және Өскеменде тұман түсіп, кей жерлерде көктайғақ болуы ықтимал.
Оңтүстік пен оңтүстік-шығыста күн жылы болады. Қонаев, Тараз, Талдықорған және Түркістанда күндіз ауа температурасы +26…+29°C аралығында сақталады.