«Заң мен тәртіп» қағидатын ілгерлету аясында Алматы қаласы Ішкі саясат басқармасының Қоғамдық даму орталығы №25 Қалалық поликлиника ұжымымен «Заң мен тәртіп: қауіпсіз қоғам» тақырыбында кездесу өткізді, – деп хабарлайды aqshamnews.kz тілшісі.
Спикерлер:
Көбеев Даурен Асқарұлы— есірткі қылмыстарына қарсы күрес басқармасының аса маңызды істер бойынша аға қызметтік тергеушісі, полиция подполковнигі
Шахмерден Бекназар Ерланұлы — Алматы қаласы полиция департаментінің киберқылмыстарға қарсы күрес басқармасының қызметтік тергеушісі, полиция аға лейтенанты
Кездесу барысында есірткі қылмыстарына қарсы профилактика, интернет алаяқтық пен киберқылмыстарға жауапкершілік, жеке деректерді қорғау және басқа да құқыққа қарсы әрекеттер мәселелері талқыланды. Шара барысында арнайы назар азаматтардың құқықтық мәдениетін қалыптастыруға және әрбір азаматтың жеке жауапкершілігін арттыруға аударылды.
Жаңа Конституция жобасының Преамбуласында көрініс тапқан «Заң мен тәртіп» идеологиялық ұғымы бүгінде ерекше өзектілікке ие екені атап өтілді. Кездесуге қатысушылар белсенді түрде пікір алмасып, өзекті сұрақтарға толыққанды жауап алды.