Посткеңестік кеңістіктегі елдер ішінде мегаполис алтыншы орында
Алматы бүгінгі таңда әлемнің тұрақты қалаларының рейтингісі - Cities in Motion тізіміне енді. Қазіргі таңда Жер шарында тұрғындары саны миллионнан асып жығылатын 600 қала бар, солардың ішінде тек 174-і ғана "тұрақты" деп мойындалған, деп хабарлайды Almaty-akshamy.kz тілшісі.
Бұл туралы мәслихат депутаты Қайрат Құдайберген Telegram каналында жариялаған.
"Қалалар 100 көрсеткіш бойынша бағаланған: дамуы, талант иелерін тарту және тәрбиелеу, әлеуметтік ауызбірлік, экономика, қоршаған орта, басқару; жоспарлау; технологиялар, мобильділік, көлік, қоғамдық қызметтерге қолжетімділік және т.б.
"Орталық Азияда осы рейтингте 128-орын алған жалғыз қала. Санаттары бойынша бағалау көрсеткіштері келесідей: экономика - 108-орын, адами капитал-124 - орын, қоршаған орта - 104 орын, басқару - 150-орын, қалалық жоспарлау - 75-орын, көлік - 119-орын.
Біз Ыстамбұл, Киото, Мехико, Эль-Кувейттен алға шықтық!
Бұрынғы КСРО елдерінің астаналаары арасында біз 6-орындамыз.Рейтингте біздің алдымызда Таллин 55-орында, Рига - 85-орында, Мәскеу - 87-орында, Киев- 115-ші, Тбилиси - 118-орында (бұл зерттеуге Нұр-Сұлтан қаласы қатысқан жоқ).
Ең тұрақты қалалар ретінде Лондон, Нью-Йорк, Париж, Токио, Рейкьявик, Копенгаген, Берлин, Амстердам, Сингапур, Гонконг қалалары танылды", - деп жазды Қайрат Құдайберген.