Биыл 3 желтоқсанда Алматыдағы Rixos Almaty қонақүйінде Қазақстанның үздік мейрамханалары анықталатын III халықаралық WHERETOEAT KAZAKHSTAN сыйлығының салтанатты рәсімі өтеді, - деп хабарлайды aqshamnews.kz тілшісі.
Бұл іс-шара неге маңызды?
WHERETOEAT KAZAKHSTAN – жыл сайын жасалатын елдің үздік мейрамханалар рейтингі. Оны мейрамхана иелері мен басшылары, шеф-аспаздар, сомелье, бармендер, іскер орта өкілдері, журналистер мен блогерлерден құралған сарапшылар алқасы жасырын дауыс беру арқылы анықтайды.
Мейрамханалар өтінім бермейді – сарапшылар лайық деп санаған мекемелерге дауыс береді.
Қорытынды қандай?
Сарапшылар дауыс беруін аяқтады, соның нәтижесінде:
- Лонг-листке – 9 қаладан (негізінен Алматы мен Астана, сондай-ақ Ақтау, Атырау, Петропавл, Шымкент, Өскемен, Қостанай, Қарағанды) 208 мейрамхана енді.
- Сайтта жарияланған шорт-листке – ең көп ұпай жинаған 53 мейрамхана кірді.
Жеңімпаздар 3 желтоқсанда салтанатты кеште жарияланады.
Сондай-ақ,
- "Жыл аспазы"
- "Жыл сомельесі"
- "Жыл бары"
- "БАҚ таңдауы"
- "Қазақ мәзірінің үздік мейрамханасы"
- "Жыл кондитері" анықталады.
Бұл туризм мен гастрономияға қалай әсері етеді?
Премияның бас продюсері Ирина Тиусонинаның айтуынша, бірінші жартыжылдықта ішкі туристер ағымы 500 мың адамға өскен, Қазақстанға 7,5 млн шетелдік турист келген және бұл саланың табысы 25% артқан.