Василий Жировтың есімі Қазақстан атынан алғашқы болып Даңқ залына енді

Бұл тізімге Мұхаммед Әли, Джо Фрейзер, Майк Тайсон, т.б атақты боксшылар кірген.

Атланта Олимпиадасының жеңімпазы Василий Жировтың есімі Қазақстан атынан алғашқы болып Даңқ залына енді, деп хабарлайды Almaty-akshamy.kz.

Сурет: AP Photo

Даңқ залы — әлемдік бокс тарихында айтарлықтай із қалдырып, мансабын аяқтап кеткен боксшылар коммисия шешімімен кіреді. Бұл тізімге Мұхаммед Әли, Джо Фрейзер, Майк Тайсон, т.б атақты боксшылар кірген. 

Жерлесіміз әуесқой бокста 2 мәрте әлем чемпионатының қола жүлдегері атанып, Атланта Олимпиадасында топ жарған. Сондай-ақ ең мықты боксшыға берілетін «Вэл Баркер» кубогын иеленген. 

Кәсіпқой бокста 1997-2009 жылдар ара­лығында 42 мәрте шаршы алаңға шыққан. 38 рет жеңіс тойы­н (3 жеңіліс, 1 тең) тойлады. 32 қарсыласын нокаутқа жіберді. 1999 жылдың 5 маусымында АҚШ-тың Миссисипи штатындағы Билоски қаласында IBF нұсқасы бойынша бірінші ауыр салмақтағы чемпиондық белбеуі үшін таласып, жергілікті боксшы Артур Уильямсты жетінші раундта жеңді. 

Чемпиондық атағын 4 жыл бойы қорғап, 2003 жылы Джеймс Тониден алғаш рет мансабында жеңілген.