ҚР Оқу-ағарту министрлігіне қарасты «Talap» коммерциялық емес акционерлік қоғамы техникалық және кәсіптік білім беру ұйымдары арасындағы «ТОП–100 студент» республикалық байқауының қорытындысы бойынша электрондық журнал дайындады, деп хабарлайды aqshamnews.kz
Журналда байқаудың мақсаты мен міндеттері, ұйымдастырушы, оператор және серіктестер туралы ақпараттар жинақталған. Негізгі назар — еліміздің үздік 100 колледж студентіне аударылған. Жинақта олардың:
-
аты-жөні,
-
оқу орны мен мамандығы,
-
іріктеу принциптері,
-
жетістіктері мен қоғамдық белсенділігі,
-
кәсіби жобаларға қатысу нәтижелері (жұмысқа орналасуы, тренингтерге қатысуы және т.б.)
туралы толық мәлімет берілген.
«Электрондық журнал студенттерге, оқытушыларға, колледж өкілдері мен жұмыс берушілерге пайдалы ақпарат көзі болады. Ол www.talap.edu.kz ресми сайтында қолжетімді», — деді Техникалық және кәсіптік білім беру департаментінің директоры Әсет Мұхамбетов.
Айта кетейік, «ТОП–100 студент» байқауы 2025 жылдың наурызында басталған болатын. Жобаның мақсаты — техникалық және кәсіптік білім беру жүйесінде оқып жүрген дарынды, белсенді әрі болашағынан үміт күттіретін студенттерді анықтау және қолдау.