Жетісу облысында жолға қойылған камера үш айда 345 млн теңгенің айыппұлын тіркеді
Жетісу облысында «Vidar» камерасы үш айда 345 млн теңгенің айыппұлын тіркеді, деп хабарлайды Almaty-akshamy.kz.
Талдықорған қаласы маңындағы және облыс орталығындағы 8 бекеттегі 18 бейнекамера жол ережесін бұзған көліктерді жаппай тіркеп жатыр.
«Биылғы жылдың І тоқсанында жүргізілген талдауға сәйкес, «VIDAR» камералары 14814 заң бұзушылықты тіркеді. Осы бұзушылықтарға жол берген автокөлік құралдарының жүргізушілеріне жалпы сомасы 345 278010 теңгеге айыппұл салынып, 260 млн-нан астамы өндірілді»,- делінген Жетісу облыстық полиция департаменті баспасөз қызметінің хабарламасында.
Жетісу облысының полициясы жүргізушілерге ақпаратты назарға алуға және ҚР Жол ережелерін қатаң сақтауға шақырады. Қосымша бекеттер жаяу жүргіншілер өткелдерінде және жолдардың қауіпті учаскелерінде жұмыс істеп тұр.