Үкіметтің 2025 жылғы 29 қыркүйектегі қаулысымен тұлғалардың санаттары бойынша деректерді ұсынуға жауапты мемлекеттік органдардың тізбесіне өзгерістер енгізілді, деп хабарлайды Aqshamnews.kz.
Атап айтқанда, «Міндетті әлеуметтік медициналық сақтандыру туралы» 2015 жылғы 16 қарашадағы Қазақстан Республикасының Заңы 26-бабының 1-тармағында және 26-1-бабының 1-тармағына аталған адамдардың санаттары бойынша және Еуразиялық экономикалық одаққа мүше мемлекеттерден Қазақстан Республикасының аумағында уақытша болатын және еңбекші көшіп-қонушылар болып табылатын шетелдіктер, сондай-ақ олардың отбасы мүшелері бойынша деректерді міндетті әлеуметтік медициналық сақтандырудың ақпараттық жүйесіне одан әрі беру үшін «Азаматтарға арналған үкімет» мемлекеттік корпорациясы» коммерциялық емес акционерлік қоғамына ұсынуға жауапты мемлекеттік органдардың тізбесін айқындалды.
Тізімнің бірнеше жолдары жаңа редакцияда көрсетілген. Мәселен, Еңбек және әлеуметтік қорғау министрлігі келесі санаттағы адамдар бойынша деректерді ұсынуға жауапты:
- Субсидияланатын жұмыс орындарына жұмысқа орналастырылған немесе жұмыс орнынан кәсіптік оқуға жіберілген адамдарды қоспағанда, жұмыссыз ретінде тіркелген адамдар – «Еңбек нарығы» АЖ.
- Мүгедек баланы (мүгедек балаларды) тәрбиелеп отырған анаға немесе әкеге, бала асырап алушыға, қорғаншыға (қамқоршыға) тағайындалатын және төленетін мемлекеттік жәрдемақыны жұмыс істемейтін алушылар – «Зейнетақы және жәрдемақы алушылардың орталықтандырылған деректер базасы» АЖ, «Төлемдерді өңдеуді ұйымдастыру» АЖ.
- Бірінші топтағы мүгедектігі бар адамға күтім жасауды жүзеге асыратын жұмыс істемейтін мемлекеттік жәрдемақы алушылар – «Зейнетақы және жәрдемақы алушылардың орталықтандырылған дерекқоры» автоматтандырылған АЖ, «Төлемдерді өңдеуді ұйымдастыру» АЖ.
- Зейнетақы төлемдерін алушылар, оның ішінде Ұлы Отан соғысының ардагерлері – «Зейнетақы мен жәрдемақы алушылардың орталықтандырылған деректер базасы» автоматтандырылған АЖ, «Төлемдерді өңдеуді ұйымдастыру» АЖ. Осы санат бойынша ҚР Сот әкімшілігі де жауапты.
Сонымен қатар тізбе тағы бір сөйлеммен толықтырылды:
-Соңғы үш ай ішінде міндетті зейнетақы жарналарын төлемеген және әлеуметтік әл -ауқаттың дағдарыстық немесе шұғыл деңгейлеріне жататын жұмыс істемейтін тұлғалар – «Отбасының цифрлық картасы» талдамалық шешімі.
Қаулы 2026 жылғы 1 қаңтардан бастап қолданысқа енгізіледі.
