Үндістан билігі елдің атын «Бхарат» деп өзгертуді жоспарлап отыр, деп хабарлайды Almaty-akshamy.kz.
The Economic Times газетінің мәліметінше, Үндістан халқы хинди тілінде өз елін «Бхарат» деп атайды.
«Британдықтар Бхараттың атын Үндістан деп өзгертті. Біздің ел мыңдаған жылдар бойы Бхарат деген атпен танымал... Бұл - ежелгі санскрит мәтіндерінде кездесетін елдің ежелгі атауы. Үндістан атауы құлдықтың символы болды. Оны Конституциядан алып тастау керек», - деді Үндістан Парламенті.
Үндістан халқы хинди тілінде өз елін «Бхарат» деп атайды, бұл ресми құжаттарда көрсетілген. Атауын өзгерту туралы шешім 18-22 қыркүйек аралығында өтетін Парламенттің алдағы арнайы сессиясында қабылдануы мүмкін.
