Мемлекет басшысы Қасым-Жомарт Тоқаевтың жарлығымен Дастан Рыспеков Ұлытау облысының әкімі болып тағайындалды, деп хабарлайды Ақорданың баспасөз қызметі.
"Мемлекет басшысының Жарлығымен Дастан Адайұлы Рыспеков Ұлытау облысының әкімі лауазымына тағайындалды", — делінген ресми құжатта.
Керек дерек
- Дастан Рыспеков 1984 жылы Қарағанды облысында дүниеге келген. Әл-Фараби атындағы Қазақ Ұлттық университетін және ҚазМЗУ Алматы заң академиясын тәмамдаған.
- Еңбек жолын 2006 жылы Алматы қаласындағы Экономика және бюджетті жоспарлау департаментінің түсімдерді болжау бөлімінде бас маман ретінде бастаған.
- 2007-2016 жылдары Алматы қаласының Экономика және бюджеттік жоспарлау департаментінде, Алматы қаласы бойынша Тексеру комиссиясында, республикалық бюджеттің атқарылуын бақылау жөніндегі есеп комитетінде басшылық лауазымдарда қызмет атқарды.
- 2016-2018 жылдары "Астана ЭКСПО-2017" ҰК" бухгалтерлік есеп және есептілік департаментінің директоры – бас бухгалтері болды.
- 2018-2019 жылдары Павлодар облысы Кәсіпкерлік, сауда және туризм басқармасының басшысы қызметін атқарды.
- 2019 жылдың сәуір айынан бастап "Астана ЭКСПО-2017" ҰК" АҚ Экономика және бюджетті жоспарлау департаментінің директоры болып қызмет етті.
- 2020 жылдан бастап Мәдениет және спорт министрлігі Туризм индустриясы комитетінің төрағасы қызметін атқарды.