Медеу ауданындағы №33 мектеп-лицейінде халқымыздың біртуар ұлдары Балуан Шолақ, Қажымұқан бабаларымыздың атын жаңғыртып, ұлықтау мақсатында ұстаздар арасында гір тасын көтеру, қол күресі сынды спорт түрінен сайыс өтті. Спорттық сайысқа аудандағы 28 мектеп ұжымы ұйымшылдықпен атсалысып, өз мүмкіндіктерін көрсетті.
Жарыс қортындысы бойынша «Қол күресінен» ауыр салмақтылар арасында 1-орынды Д.Серікқазы («Үркер» мектебі), 2-орынды Қ.Әуезов (№12 гимназия), 3-орынды Қ.Қасенов (№194 мектеп мұғалімі); жеңіл салмақ дәрежесі бойынша 1-орынды Д.Қазнабаев (№172 гимназия), 2-орынды Д.Датиев (№98 жалпы білім беретін мектеп), 3-орынды М.Құрманбек (№159 гимназия) алды.
Гір тасын көтеруден ауыр салмақ дәрежесі бойынша: 1-орынды Қ.Жабелдесов (№163 мектеп-лицей), 2-орынды Д.Нұралиев (№33 мектеп-лицей), 3-орынды Ш.Сумазов (№53 мектеп-гимназия); жеңіл салмақ дәрежесі бойынша жүлделі 1-орынды Қ. Маккев (№163 мектеп-лицей), 2-орынды Н. Орынғалиев (№131 мектеп-лицей) 3-орынды Қ.Төленді (№ 194 жалпы мектеп) алды.
Спорттық жарыстың ең тартысты түрі волейболдан өтті. Жарыс қорытындысы бойынша 1-орынды №131 мектеп-лицей, 2-орынды №172 мектеп-гимназия, 3-орынды №98 мектеп командасы жеңіп алды.
Мектеп ұжымы шәкірттерді адал, мейірімді адам етіп тәрбиелеуде Мұқағали жырларының құдіреті ерекше екенін терең сезініп, оның рухына арналған әдеби апталықты өткізуді үрдіске айналдырған. Бұл үрдіс биыл да жалғасып, ақын шығармашылығы кеңінен насихатталды.
Қорытынды шараға белгілі әнші Сандуғаш Стамғазиева келіп, ақын өлеңдеріне жазылған әндерді орындады. Мектеп басшысының айтуынша, қоғам үшін өз жемісін беретін мұндай ізгілікті шаралар алдағы уақытта да өз жалғасын табатын болады.