Ұлттық ұланның "Оңтүстік" өңірлік қолбасшылығына қарасты әскери бөлімдерде 2026 жылғы жаңа қысқы оқу кезеңі басталды.
"Қазақстан Республикасының Президенті – ел Қарулы Күштерінің Жоғарғы Бас Қолбасшысы – Қазақстан Республикасы ішкі саясатының құндылықтары мен бағыттары, жаңа оқу жылында әскери қызметшілермен өткізілген алғашқы мемлекеттік-құқықтық дайындық сабағының басты тақырыбына айналды.
Қолбасшылық басқармасының, сондай-ақ қолбасшылыққа бағынышты 5571 әскери бөлімінің әскери қызметшілерімен алғашқы тәрбиелік сабақты "Оңтүстік" өңірлік қолбасшылығының қолбасшысы герерал-майор Талапкер Әміреев жүргізді. Сабақ барысында Ұлттық ұлан Бас қолбасшысының 2026 оқу жылына қойған жауынгерлік тапсырмалары нақтыланды. Сондай-ақ мемлекет басшысының бастамасымен елімізде іске асып жатқан ауқымды жобалармен қатар, мемлекетіміздің өткен 2025 жылғы жеткен жетістіктеріне ерекше тоқталып өтті.
Ал қолбасшылыққа қарасты әскери бөлімдерде өткізілген іс-шараларға "Оңтүстік" өңірлік қолбасшылығы қолбасшысының орынбасарлары жетекшілік етіп, әскери қызметшілермен мемлекеттік-құқықтық дайындық сабағын өткізді.
Алғашқы тәрбиелік сағаттан кейін саптық алаңда сап түзеген ұландықтар қару-жарақ пен әскери техниканы, сондай-ақ әскери мүліктерді дұрыс қолдану, кез келген міндеттерді атқару кезінде қауіпсіздік шараларын қатаң сақтау бойынша сабақтарға тарасты.
Сабақтар барысында жеке құрамға қызметтік-жауынгерлік әрекеттердің барлық бағыттары бойынша арнайы дайындалған бейнероликтер көрсетілді.
Жаңа оқу жылында қоғамдық тәртіп пен қауіпсіздікті қамтамасыз ету бойынша ұландықтардың алдында көптеген атқарылар жауапты міндеттер тұр.
