Қызылордада өткен Ұлттық құрылтайдың V отырысында Мемлекет басшысы Қасым-Жомарт Тоқаев Қазақстанның саяси жүйесін жаңғыртуға бағытталған бірқатар стратегиялық шешімдерді жариялады. Aqshamnews.kz тілшісі келелі жиында айтылған негізгі тезистерді тізіп көрді.
Негізгі тезистер:
-
Жаңа Парламент құрылады
– Қазақстанда бірпалаталы Парламент құрылып, ол Құрылтай деп аталады.
– Құрамында 145 депутат болады. -
Квоталар жойылады
– Президенттік квота алынып тасталады.
– Қазақстан халқы Ассамблеясының Парламенттегі квотасы болмайды. -
Сайлау жүйесі
– Құрылтай депутаттарының барлығы партиялық тізімдер бойынша сайланады.
– Барлық депутаттар тең мандатқа ие болады.
– Өңірлерде мажоритарлық жүйе сақталады.
– Пропорционалды жүйе бойынша өту шегі - 5%. -
Өкілеттік мерзімі мен құрылымы
– Құрылтайдың өкілеттік мерзімі - 5 жыл.
– Парламент құрылымы: 8 комитет, 3 вице-спикер. -
Парламент өкілеттіктері кеңейтіледі
– Конституциялық Сот, Жоғары аудиторлық палата және Орталық сайлау комиссиясы мүшелері Парламенттің келісімімен тағайындалады.
– Президент ұсынған Жоғарғы Сот судьяларын Парламент сайлайды. -
Халық Кеңесі құрылады
– Қазақстан халқы Ассамблеясы мен Ұлттық Құрылтайдың функциялары Халық Кеңесіне беріледі.
– Бұл - жаңа кеңесші-диалог алаңы. -
Халық Кеңесінің құрамы
– Жалпы саны - 126 адам.
• 42 этномәдени бірлестік өкілі
• 42 мәслихат өкілі
• 42 қоғамдық ұйым өкілі
– Отырыстары жылына бір рет өткізіледі. -
Мемлекеттік басқарудағы өзгерістер
– Президент тағайындайтын вице-президент лауазымы енгізіледі.
– Мемлекеттік кеңесші лауазымы жойылады. -
Конституциялық реформа
– 100-ден астам адамнан тұратын Конституциялық комиссия құрылады.
– Комиссия ұсыныстарды талдап болғаннан кейін, жалпыхалықтық референдум өткізу күні белгіленеді.
