Түркия Президенті Режеп Тайып Ердоған зілзала болған Газиантеп провинциясы Нурдағы қаласының тұрғындарымен кездесті.
Ол апат болған аймақтарды қалпына келтіру жұмыстары наурыз айында басталатынын мәлім етті, деп хабарлайды Almaty-akshamy.kz
Түркия Президенті Режеп Тайып Ердоған сейсенбі күні Газиантеп провинциясының Нурдағы қаласына барып, зілзала болған аймақта жаңа тұрғын үйлер бой көтеретінін айтты.
«Бір жыл ішінде 11 провинцияның қалаларында 200 мыңға дейін тұрғын үй салу жоспарланып отыр. Апат аймағындағы ауылдарда тағы 70 мың үй салынады», - деді Ердоған қала тұрғындарымен кездесу барысында.
Түркия Президенті апат аймағындағы жағдай толық тексерілген соң, салынатын тұрғын үйлердің нақты саны анықталатынын атап өтті.
Айта кетсек, соңғы апталарда Газиантеп провинциясынан 87 мың тұрғын елдің басқа аймақтарына эвакуацияланған.