Үй жануарларын чиптеу құны әр өңірде әртүрлі болады. Бұл туралы Орман шаруашылығы және жануарлар дүниесі комитетінің бас сарапшысы Талғат Ердешев айтты, деп хабарлайды деп хабарлайды Almaty-akshamy.kz. ҚазАқпарат сілтеме жасап
«Қаңғыс иттер мен мысықтарға чип тағу жергілікті атқарушы органның құзретінде болады. Иелері бар жануарларға егесі өз қаражаты есебінен чип тағады. Халықтың әлеуметтік осал топтарындағы азаматтардың үй жануарлары бюджет қаражаты есебінен есепке алынады. Бұл топтағы азаматтардың үй жануарларын чиптеуге өңір бюджетінен қаражат бөлінеді. Әр өңірде чиптеу құны әртүрлі болады. Ал ақылы чиптеу құнын жергілік атқарушы органдар өздерінің шығындарына қарай дербес белгілейді. Нақты белгіленген баға жоқ», - деді комитеттің бас сарапшысы елордада өткен брифинг барысында.
Оның атап өтуінше, еліміз бойынша нақты қанша ит пен мысықтың тіркеуге алынатындығы жайлы статистикалық дерек жоқ.
«Бірақ, жергілікті атқарушы органдар әр тоқсанның 30 күні бізге есепке қойылған ит пен мысықтың санын беріп отырады. Бұл заңда жазылған», - деді Талғат Ердешев.