Сауда және интеграция министрілігінде уақыт белдеуін өзгертуге қарсы петиция қаралып жатыр. Талқылауда бірінші болып сөз алған Денсаулық сақтау министрінің бірінші орынбасары Тимур Сұлтанғазиев ведомство тарапынан бұл мәселе бойынша тиісті жұмыс тобы құрылғанын айтты, деп хабарлайды aqshamnews.kz
Тимур Сұлтанғазиевтің айтуынша, жұмыс тобының құрамына ғалым мамандар мен дәрігерлер, медицина өкілдері кірді. Олар уақыт белдеуін өзгерту жөніндегі шетелдік ғылыми әдебиетті, өзге елдердің тәжірибесін зерттеу бағытында үлкен жұмыс атқарды.
- Уақытты бір сағатқа өзгерту мен денсаулыққа айтарлықтай әсері арасында ешқандай байланыс жоқ.
- Дүниежүзілік денсаулық сақтау ұйымының сарапшылары да уақыт белдеуін өзгерту денсаулыққа айтарлықтай әсер етпейтінін айтқан.
- New England Journal of Medicine басылымында жарияланған зерттеу қысқы және жазғы уақытқа 1 сағат айырмашылығымен көшу адамдардың денсаулығында айтарлықтай бұзылыстарға әкелмейтінін көрсеткен.
- Уақыт өзгерісіне ағза белгілі бір уақыттың ішінде ұзақ мерзімді кері әсерлерсіз бейімделе алады.
Вице-министрдің айтуынша, уақытты 1 сағатқа жылжыту ұйқыны реттейтін гормон – мелатонин өндірісінде минималды өзгерістер туындатады.
- Journal of Biological Britance-те жарияланған зерттеу ағза уақыттың мұндай жылжуына 1-2 күнде және бірнеше айда бейімделетінін көрсетті.
- Жаңа уақыт кестесіне мелатонин деңгейі тез бейімделіп, қалыпты ұйқы режимін қамтамасыз ете алады.
- Толыққанды зерттеу жүргізуге тым аз уақыт өткенін ескерсек, басқа белдеуге көшудің денсаулықтағы елеулі өзгерістерге себепкер болған-болмағанын анықтау үшін тиісті ғылыми зерттеулер керек.
Министрлік ондай талдау мүмкіндігін Ғылым және жоғары білім министрлігімен бірлесіп қарауға дайын екенін айтты.
Денсаулық сақтау министрлігі мен ғалымдар уақыт белдеуін өзгерту денсаулыққа айтарлықтай әсер етпейтінін көрсететін зерттеулер жүргізді. Осыған байланысты, уақыт белдеуін өзгерту туралы шешім қабылдағанда, мұқият зерттеулер мен талдаулар жүргізу қажет. Министрлік бұл мәселені одан әрі зерттеп, халықтың денсаулығын қорғау үшін тиісті шараларды қабылдауға дайын.