Алматыда 20 км жылу желілерін реконструкциялау жұмыстары аяқталып келеді.
Алматы әкімі Ерболат Досаев Түрксіб ауданының тұрғындарымен кездесу барысында, тұрғындарды күзгі-қысқы кезеңде жылумен үздіксіз қамтамасыз ету үшін қабылданған шаралар жөнінде баяндады, деп хабарлайды aqshamnews.kz
Қала басшысының айтуынша, биылғы қыркүйек айында Спасск, Бекмаханов және Сүйінбай көшелерінде жалпы ұзындығы 2,1 км жылу желілері жаңадан салынды. Сонымен қатар, 30 жылдан астам уақыт бұрын салынған ескі құбырлар ауыстырылды.
Ерболат Досаевтың тапсырмасына сәйкес, биыл барлығы 20 км жылу желісі қайта жөндеуден өтеді, бұл олардың тозуын 1,8%-ға төмендетуге мүмкіндік береді.
Жылыту маусымы алдында жүргізілген реконструкция қаланың 6 ауданында жүзеге асырылуда. Жұмыстарды биылғы жылдың 25 қазанына дейін аяқтау жоспарланған.