Түркістан облысының Жетісай ауданы, Алғабас ауылында болған алапат өрттен зардап шеккен екі науқас ауруханадан шығарылды. Оларға қазір амбулаториялық ем тағайындалған. Бұл туралы Денсаулық сақтау министрлігі Медициналық көмекті ұйымдастыру департаментінің директоры Гүлнар Сәрсенбаева мәлімдеді, - деп хабарлайды aqshamnews.kz тиілшісі.
Сәрсенбаеваның айтуынша, өрттен аман қалған 1986 жылғы ер адам мен 1990 жылғы әйелдің жағдайы жақсарып, 30 қарашада стационардан шығарылған."Түркістан облысында өрттен зардап шеккен екі адамның қазіргі жағдайы қанағаттанарлық. 30 қарашада олар ауруханадан шығарылып, амбулаториялық емге жіберілді", – деді ол Мәжіліс кулуарында.
Денсаулық сақтау министрлігінің өкілі бұл екі пациент Шымкент қалалық ауруханасынан шыққаннан кейін жағдайын әрі қарай бақылау үшін Жетісай аудандық ауруханасына қайта жатқызылғанын айтты.
Ауруханадан шыққан 1986 жылғы ер адам осы қайғылы оқиғадан үш күн бұрын көз жұмған жеті жасар қыздың әкесі екені белгілі болды.
2018 жылғы қыз бала көз жұмдыӨрттен аман қалған 2018 жылы туған бүлдіршіннің жарақаты өте ауыр болған.
12 адамның өмірін қиған өрт"Өкінішке қарай, 2018 жылғы қыз бала 30 қарашада алған жарақатының ауырлығына байланысты қайтыс болды. Марқұмның туған-туыстарына қайғыра көңіл айтамыз", – деді Гүлнар Сәрсенбаева.
Еске салайық, 18 қарашада сағат 05:36-да Түркістан облысы Жетісай ауданы Алғабас ауылында екі қабатты жер үй өртке оранған. Оқыс оқиға салдарынан 12 адам, оның ішінде тоғыз бала қаза тапты.
Өрт кезінде үш адам ауруханаға жеткізілген еді. Алайда ем-домға қарамастан, кейін 2018 жылғы қыз бала ауруханада жан тапсырды.
Қылмыстық іс қозғалдыТүркістан облысының полиция департаменті өрт қауіпсіздігі талаптарын сақтамау дерегі бойынша қылмыстық іс қозғаған. Қазір өрттің нақты себебі мен жауапты тұлғалар анықталып жатыр.
