Алматы қаласының әкімі Ерболат Досаев тұрғындармен кездесу барысында мегаполистегі инфрақұрылымдық жобалардың жүзеге асу барысын баяндады, деп хабарлайды aqshamnews.kz
190 км жаңа желі: мыңдаған тұрғын қамтылды
Қала әкімінің айтуынша, бүгінгі таңда 190 шақырым су құбыры мен кәріз желілері жаңадан тартылып, 5800 абонент жаңа жүйеге қосылған. Атап айтқанда, Төменгі Бесжылдық шағын ауданындағы жұмыстар толықтай аяқталуға жақын.
2025 жылы Қайрат шағын ауданында және тағы төрт жобада жаңа желілер салынып, 1500 үй сапалы сумен қамтылатын болады.
Шұғылада кәріз станциясы салынып жатыр
Сонымен қатар, Ерболат Досаев Шұғыла шағын ауданында салынып жатқан кәріз станциясының құрылысы да мәресіне таяғанын атап өтті. Бұл жоба – ауданның санитарлық-экологиялық жағдайын жақсартуға бағытталған маңызды инфрақұрылымдық шешім.