Түркияның әуе күштері ережені өзгертуді талап етті
Түркияның әскери әуе күштері Афинамен арадағы дүрдараздыққа байланысты Грецияда өтетін НАТО-ның Tiger Meet жаттығуларына қатыса алмайды, деп хабарлайды Almaty-akshamy.kz Zakon.kz-ке сілтеме жасап.
Sabah өз дереккөздеріне сілтеме жасай отырып, Грекия қабылдаушы ел ретінде "екі ел арасындағы қарама-қайшылықтарды қоздыру мақсатында" оқу-жаттығу сценарийіне техникалық толықтырулар енгізді деп хабарлайды.
Түркияның әуе күштері ережені өзгертуді талап етті, бірақ олардың пікірі ескерілмеді.
Жаттығуларға қатыспаймыз деп шешім қабылдадық, өйткені Грекия жаттығуларды өзінің саяси мүддесіне сай икемдеп, әрекет етті. Түрік әуе күштерінің жаттығуларға қатыспайтындығы туралы қабылдаған шешімі Грекия билігіне жолданғаны белгілі болды, делінген хабарламада.
F-16 Fighting Falcon түрік атқыш ұшағы 9-22 мамыр аралығында Грекияда өтетін НАТО жаттығуларына қатысуы керек болатын.
Сондай-ақ, бұған дейін грек ақпарат құралдары түрік әскери ұшақтары грек әуе кеңістігін үнемі бұзып кіруіне байланысты Түркияға арналған шақыртудың күшін Афинаның өзі жойғанын хабарлаған еді.
НАТО-ның Tiger Meet жаттығулары Грекияда 9-22 мамыр аралығында өтеді.