Қазақстанның Түркияда сегіз Құрметті консулдығы бар.
ҚР Сыртқы істер министрлігінің ақпаратына сәйкес, Түркия шығысындағы Ахлат қаласында Қазақстанның Құрметті консулдығы ашылды, деп хабарлайды Almaty-akshamy.kz
Құрметті консулдықтың ашылуына Битлис провинциясының губернаторы, депутаттар, қала мен аудан мэрлері, провинцияның алдыңғы қатарлы өкілдері және бұқаралық ақпарат құралдары қатысты.
Өкілдіктің тұсаукесер салтанатында Елші Абзал Сапарбекұлы бүгінгі ерекше іс-шара бауырлас елдер Қазақстан мен Түркия арасындағы дипломатиялық қарым-қатынастың мерейлі 30 жылдығы қарсаңында өтіп жатқанын атап өтті.
Сондай-ақ стратегиялық әрі сенімді нысанда қалыптасқан екіжақты ынтымақтастыққа назар аударды. Осы ретте, тарихи маңызы бар Ахлат қаласында Құрметті консулдықтың ашылуы екі елдің рухани-мәдени, экономикалық қарым-қатынастарының дамуына оң септігін тигізетініне сенім білдірді.