Бұл туралы елдің Ішкі істер министрі Сүлейман Сойлу мәлім етті.
14 наурызда елдің екі провинциясында нөсер жауып, жүздеген үй су астында қалды. Көпірлер мен жолдар қирады, деп хабарлайды Almaty-akshamy.kz Ulysmedia.kz-ке сілтеме жасап.
«Адыяманда екі адам, Шанлыурфада 13 адам су тасқынынан қаза тапты. Жоғалған бес адамды іздеу жұмыстары жалғасуда», - деді Сойлу TRT телеарнасында.
Кейбір жерлерде қайықсыз жүру мүмкін емес. Халық қауіпсіз аудандарға эвакуацияланып жатыр. Метеорологтардың айтуынша, Адыяман және Шанлыурфа провинцияларындағы жауын-шашын кем дегенде тағы екі күнге созылады.
Қазір жауын-шашынның салдарынан сыртқа шыға алмай қалған тұрғындарды іздестіру жұмыстары жалғасуда.