Антакия мен Искендерун қалаларының арасындағы жол бұзылды
Дүйсенбі күні Түркияның Хатай қаласына қарасты Дефне ауданында 6,4 магнитудалы жер сілкінісі тіркелді, деп хабарлайды Almaty-akshamy.kz ҚазАқпаратқа сілтеме жасап.
Түркияның Anadolu агенттігі таратқан ақпаратқа қарағанда, зілзаланың ошағы 2 км тереңдікте жатыр.
Түркияның Хатай қаласына қарасты Дефне ауданында жер сілкінісі екі рет қайталанған соң, Антакия мен Искендерун қалаларының арасындағы жол бұзылды. Бүлінген ғимараттар да бар екені айтылып жатыр.
Habertürk телеарнасының хабарлауынша, Түркияның оңтүстік-шығысында үйлер қираған, әзірге олардың саны қанша екені белгісіз. Жерасты дүмпуі Сирия, Ливан, Кипр елдерінде, тіпті Израильде де сезілген.
Anadolu агенттігінің хабарлауынша, көршілес провинциялар мен Сирия, Ливан, Иордания, Ирак, Палестина, Израиль мен Ливанда да сезілген. Ливанда жер сілкінісі ел астанасы Бейрут қаласын қоса алғанда елдің барлық аймағында білінген.
Сирияда зілзаланың гүрілін Идлиб, Алеппо, Хамы, Африна, Аазаза, Джераблуса, Эль-Баба мен Телль-Абъядада сезген. Халық қауіптеніп, үйлерінен жүгіріп шығып жатыр.
Түркияда жер сілкінісінен қаза тапқандар саны 41 мыңнан асты.