Дүниежүзілік денсаулық сақтау ұйымы осылай деп дабыл қағып отыр.
Түркия мен Сирияда алапат зілзаладан кейін су арқылы тарайтын аурулар белең алу қаупі бар. Суық ауа райы, су мен кәріз жүйесінің зақымдануы жағдайды ушықтыра түсуі мүмкін, деп хабарлайды Almaty-akshamy.kz.
Маусымдық тұмау мен ковид қосылуы да ықтимал. Әсіресе, үйсіз қалғандар уақытша тұратын аумақтарда вирустың тез тарау қаупі басым.
Ұйым өкілдерінің сөзінше, Түркия мен Сирияда 26 миллиондай адам гуманитарлық көмекке зәру.