Түркі мәдениеті және мұрасы қорының президенті Ақтоты Райымқұлова ЮНЕСКО-ның Алматыдағы Өңірлік офисының директоры және Қазақстан, Қырғызстан, Тәжікстан, Түрікменстан мемлекеттерінің ЮНЕСКО-дағы өкілі Амир Пиричпен кездесті.
Кездесуге, сонымен қатар, ЮНЕСКО-ның Алматыдағы офисының мәдениет сұрақтары жөніндегі бағдарламалық маманы Филипп Деланж және мәдениет сұрақтары жөнінде маманы Айгүл Халафова қатысты.
Кездесу барысында Қор мен ЮНЕСКО арасындағы байланысты нығайту, сондай-ақ түркі әлемінің бай мәдени мұрасын сақтау, жаңғырту және насихаттау бағытындағы болашақ жобалар туралы мәселелер талқыланды.