27 және 28 қарашада Астанада өтетін Ұжымдық қауіпсіздік туралы шарт ұйымы саммитіне байланысты бірнеше жоғары оқу орындарында оқыту форматы өзгертіледі, деп хабарлайды aqshamnews.kz
Төрт университет толығымен онлайн оқыту форматына көшсе, екі университетте оқыту ішінара онлайн форматта өтеді. Ал тағы екі оқу орнының студенттері бұл уақытта демалыста болады. Қалған бес астаналық университеттің студенттерінің кестесінде ешқандай өзгеріс болмайды.
«Бұл шешімді университеттер өздерінің академиялық саясатына сәйкес қабылдайды», — деп атап өтті Ғылым және жоғары білім министрлігінің қоғамдық байланыстар департаментінің директоры Олжас Беркінбаев.