Президент бұл мәселені бизнеспен және қоғаммен конструктивті түрде талқылау керегін айтты.
Мемлекет басшысы Қасым-Жомарт Тоқаев утильдік алым ставкаларын қайта қарауды тапсырды, деп хабарлайды Almaty-akshamy.kz Қазақпаратқа сілтеме жасап.
«Кәсіпкерлер мен жалпы қоғамда «Оператор РОП» компаниясының қызметі көптеген сұрақ туындатып отыр. Тіпті осы жеке компанияға қарсы қоғамдық қозғалыс та ұйымдастырылды. Мен Үкіметке «Оператор РОП» утильдік алым жинауына тыйым салуын тапсырамын. Мұнымен шет мемлекеттердегідей мемлекеттік ұйым айналысуы керек. Алымдардың өзіне келсек, олардың ставкасы қайта қаралуы керек», - деді Президент.
Президент бұл мәселені бизнеспен және қоғаммен конструктивті түрде талқылау керегін айтты.