Биыл екі ел арасында жоғары деңгейдегі көптеген іс-шара жоспарланған.
Қазақстан Президенті Қасым-Жомарт Тоқаев мамыр айында Қырғызстанға барады, деп хабарлайды Almaty-akshamy.kz
Қырғызстан Жогорку Кенешінің спикері Талант Мамытовтың айтуынша, жоспарланған сапар қос ел арасындағы ынтымақтастықтың нығаюына қосымша серпін береді.
«Биыл жоғары деңгейдегі көптеген екіжақты іс-шара жоспарланған. Оның ішінде негізгісінің бірі Қазақстан Президенті Қасым-Жомарт Тоқаевтың 2022 жылғы мамырда Қырғызстанға сапары болып саналады. Бұл сапар екіжақты ынтымақтастықты дамытуға қосымша серпін беретініне сенімдімін», - деді Талант Мамытов Сенат төрағасы Мәулен Әшімбаевпен кездесу барысында.