Президент Қасым-Жомарт Тоқаев кейбір азаматтардың, соның ішінде шоу-бизнес өкілдері мен қоғам белсенділерінің елге қатысты теріс пікір қалыптастыру әрекеттеріне алаңдаушылық білдірді. Оның айтуынша, мұндай әрекеттер ел беделіне кері әсер етеді.
"Кейбір азаматтар Қазақстанға неше түрлі лақап ат қоятын болды. Бұл мүлдем түсініксіз, ақылға сыймайтын нәрсе," – деді Мемлекет басшысы.
Тоқаев елдің халықаралық имиджін нығайтуға әр азамат жауапты екенін және бұл мәселеге жауапкершілікпен қарау қажеттігін атап өтті. Ұлттық намыс пен патриотизм елдің дамуы мен беделін арттырудың негізі екенін еске салды.