Қасым-Жомарт Тоқаев Олимпиада ойындарының ашылу салтанатына қатыса ма?
Қазақстан Президенті Қасым-Жомарт Тоқаев Парижде өтетін Олимпиада ойындарына бармайды, деп хабарлайды Almaty-akshamy.kz Мемлекет басшысының кеңесшісі және баспасөз хатшысы Берік Уәлидің сөзіне сілтеме жасап.
Берік Уәли Президент кестесінде мұндай сапар қарастырылмағанын нақтылады.
"Президент Қасым-Жомарт Тоқаевтың жұмыс кестесінде Париждегі Олимпиада ойындарының ашылу салтанатына қатысу қарастырылмаған" деді ол.
Бұдан бұрын Президенттің 2024 жылдың 23-26 шілде аралығында демалыста болатынын хабарлағанбыз. Париждегі жазғы Олимпиада ойындары 26 шілде мен 11 тамыз аралығында өтеді.