Қазақстан Президенті Қасым-Жомарт Тоқаев Мәскеудегі Қызыл алаңда өткен Ұлы Жеңістің 81 жылдығына арналған әскери парадқа қатысты, деп хабарлайды Aqshamnews.kz тілшісі Ақордаға сілтеме жасап.
Парадтан кейін мемлекет басшылары Александр бағындағы Белгісіз солдат қабіріне гүл шоқтарын қойды.
Салтанатты шараға Қасым-Жомарт Тоқаев пен Ресей Президенті Владимир Путиннен бөлек, Өзбекстан Президенті Шавкат Мирзиёев, Беларусь Президенті Александр Лукашенко, Малайзия королі Сұлтан Ибрагим, Лаос Президенті Тхонглун Сисулит және өзге де мәртебелі қонақтар қатысты.