Қазақстан президенті Қасым-Жомарт Тоқаев Рим Папасы Лев XIV-ке апостолдық тағына сайлануына байланысты қазақ халқының атынан шын жүректен құттықтау жолдады, - деп хабарлайды Aqshamnews.kz тілшісі Ақордаға сілтеме жасап.
"Сізді Киелі Тақ иесі етіп сайлау арқылы Католик шіркеуі халықаралық ахуал күрделі кезеңде бейбітшілік пен тұрақтылықты дәріптеу ісінде маңызды рөл атқара беретініне сенімдімін", – деп жазылған жеделхатта.
Президент әртүрлі діни наным өкілдері мекен ететін Қазақстанға Рим Папасы екі мәрте сапармен келгеніне назар аударып, халықтар достығын, дінаралық сенім мен ынтымақты нығайтуға бағытталған ортақ күш-жігерді еліміздің әрдайым қолдайтынын жеткізді.