Қазақстан Президенті Қасым-Жомарт Тоқаев инвестицияларға қатысты тапсырманы орындау үшін премьер-министр Олжас Бектеновке 10 күн берді, деп хабарлайды Аqshamnews.kz.
Мемлекет басшысы халыққа Жолдауында Қазақстанға инвестициялық қаражаттың қайда, не үшін және қандай көлемде қажет екенін нақты айқындау қажеттігін айтты.
Тоқаев инвестицияларға сұраныс өндірістік сектордың қажеттіліктеріне сәйкес қалыптасуы тиіс екенін атап өтті. Президенттің айтуынша, елде инвесторлармен өзара іс-қимылдың көлемді әрі бытыраңқы жүйесі қалыптасқан.
"Бұл сөзсіз бюрократияға, функциялардың қайталануына алып келеді. Соның салдарынан жұмыс қанағаттанарлық деңгейде атқарылмай отыр. Қазіргі күрделі жағдайда инвестиция тарту – бізден жаңа тәсілдерді талап ететін бірінші кезектегі міндет. Әрбір жағдайда инвестиция тартуға қатысты барлық ұйымдастыру жұмысы Премьер-министрге толық жүктелетінін ерекше атап өткім келеді. Жаңа министрлік құрудың қажеттілігі жоқ, алайда мемлекеттік органдардың атауында “инвестиция” сөзі жоқ екені көзге ұрады.
Бұл мәселе 3-4 мекеменің құзыретінде болып, шешімін таппай отыр. Сондықтан Премьер-министрге нақты ұсыныстар әзірлеу үшін 10 күн беремін. Сонымен қатар Үкіметке инвестиция тарту жүйесін түбегейлі жаңғырту жөніндегі іс-қимыл жоспарын қысқа мерзімде дайындауды тапсырамын", – деді Мемлекет басшысы.
Еске сала кетейік, 8 қыркүйекте Президент халыққа Жолдау жасап, алдағы жылға арналған «елдің экономикалық және әлеуметтік саясатының маңызды мақсаттары мен міндеттерін» айқындайды.