Энергетика министрлігінің басшысы Б. Ақшолақов ағымдағы төмен бағаларды сақтап отырсақ, қанша жанармай өндірсек те, барлық сұранысты қамтамасыз ете алмаймыз деген ойын айтты, деп хабарлайды Almaty-akshamy.kz.
«Бағалар арасындағы айтарлықтай айырмашылыққа байланысты көрші елдерге «ағын» жалғаса береді, оның көлемі арта түседі. Ешқандай шектеулер күтілген нәтиже бермейтіні анық. Сондай-ақ жанармай бағасындағы диспропорция «көлеңкелі» нарықты дамытып, ұлттық экономикаға/мүддеге кері әсерін тигізеді», - деді ол.
Министр сондай-ақ жанармайға төмен бағаның сақталуы мұнай-газ саласына инвестиция тарту, оны дамытуға, геологиялық барлау жұмыстарын жүргізіп, ресурстық базаны толықтыруға мүмкіндік бермей отырғанын айтты.