Кішкентай көрермендердің қауіпсіздік мәдениетін арттыру үшін ТЖМ аумақтық бөлімшелері мультфильмдер шығарады.
«Балалардың қауіпсіздігі - біздің басымдығымыз. Мультфильмдер арқылы біз өскелең ұрпаққа ұқыпты мінез-құлық дағдыларын ойын түрінде сіңіруге тырысамыз. Әр баланың қауіпті қалай болдырмауға болатынын және төтенше жағдайда не істеу керектігін білуі маңызды», - деді Шығыс Қазақстан облысы ТЖД бастығы Рашид Блялов айтты.
Шығыс Қазақстан ТЖД мен «Қазцинк» ЖШС мамандары бірлесіп кезекті анимациялық фильм түсірді. Бұған дейін «Айя мен Тентек» кейіпкерлері қыс мезгіліндегі қауіпсіздік ережелері, жер сілкінісі кезіндегі әрекеттер, жазғы су айдындарындағы және табиғаттағы сақтық шаралары туралы айтып берген еді.
Мультфильмнің сценарийі балалардың қауіпсіздік сабақтарын оңай меңгеруі үшін арнайы әзірленген. Бас кейіпкерлердің мысалында балалар өртке әкелуі мүмкін қателіктерден аулақ болуды үйренеді.
Мультфильмнің үйдегі өрт қауіпсіздігі туралы жаңа сериясы облыс орталығындағы кинотеатрлардың бірінде көрсетілді. Алғашқы көрермендер «Үміт» балалар үйінің тәрбиеленушілері болды.
Көрсетілімнен кейін балалар өз әсерлерімен бөлісіп, құтқарушылар өткізген өрттің алдын алу бойынша дәрісті тыңдады.